مصمم عروض ابداعية

نبي نتوسع و نعلن عن وظيفة... بس موب أي وظيفة!

هل عمرك حسّيت إن الأفكار اللي تطلع من راسك ما لها مكان؟

هل تكتب سطرين لفكرة مجنونة... وتتمنى أحد يقول: "يالله نجرّب؟"

في أكمل الفراغ، نبحث عن كرييتف يشتغل بأفكار ما تحيب النوم.

أفكارك، سواء VR، أو بث مباشر يتفجر لايكات، أو حتى بوستر يطير من الجدار... نبغاها!

• تكتب وتبني عروض فنية تسحر العميل وتخليه يقول: "وش ذا؟ أبيه!"
• تتعامل مع عملاء من كل مكان: من جهة حكومية تبغى تفعيل رهيب، إلى مشروع صغير حلمه يكبر
• تطور أفكار تسويقية تتنفذ على الأرض، أو تطير للميتافيرس، أو تبقى في خيال ذكي نعرضه
• تشتغل معنا كتيم، وننسب لك أفكارك، ونوثقها كأعمال فنية موب مجرد بروجكت

• تفكير برّا، فوق، وتحت الصندوق
• لسان حلو يعرف يقنع، ودم خفيف يعرف يكسر التوتر
• تقدر تكتب، ترسم، تعرض، أو توصف الفكرة بطريقة تخلينا نتحمس نبدأ فيها بكرا
• ما تقول "ما يصير" قبل ما تحاول

• مساحة إبداع حقيقية: الأفكار اللي تكتبها ممكن تتحول لتجربة فنية، إعلان، بودكاست، أو لعبة
• نعيش معك كل مرحلة: من أول ورقة إلى أول عميل
• نشتغل بروح وحدة، واللي يتعب ياخذ حقه ويكبر معانا
• نحب نضحك، بس نحب ننجز أكثر

• عروض فنية + بزنس شفاف
• حملات مجنونة للمشاريع الناشئة
• أفكار مع جهات حكومية نبي نخليها cool
• تفعيلات واقعية وافتراضية ما تصير إلا عندنا

لو تشوف إنك تقدر تبني معانا عالم إبداعي ما يشبه أحد...

أرسل لنا أعمالك أو سطر تعرف فيه عنك، حتى لو بدون CV.

التقديم على:

https://docs.google.com/forms/d/e/1FAIpQLSeamZyTJGmORoXUSilXWbkLjpA27t5Jd8SOvffRYEMx1O4k-w/viewform?usp=header

المكان: الرياض، أو عن بعد بس موب بعيد عن القلب