Creative Copywriter

ندوّر كتاب محتوى (Copywriter) يكونون جزء من فريقنا في "رويا"

الرياض | حضوري | دوام كامل

اذا كنت شخص تحب الكلمات، تعرف تصيغ الافكار بطريقة تشد وتوصّل المعنى، وتفهم في عالم التسويق والاعلانات، هذي الوظيفة لك.

حنا في رويا للحلول التسويقية، وكالة 360° نشتغل على كل شيء يخص الهوية، التسويق الرقمي، الاداء، والحملات الإبداعية.

نحتاج كاتب/ـة محتوى عنده حس ابداعي عالي، يقدر يكتب لمختلف العملاء، ويبتكر رسائل تسويقية تمثّلهم وتوصل صوتهم للناس بطريقة مميزة وفعالة.

وش راح تسوي معنا؟

• تكتب نسخ اعلانية (Ad Copy) لحملات متنوعة رقمية وابداعية
• تصيغ محتوى للمنصات الاجتماعية، الصفحات التعريفية، الاعلانات المدفوعة، والحملات الدعائية.
• تتعاون مع المصممين والمسوّقين لتحوّل الافكار الى محتوى فعّال.
• تراجع وتحرر المحتوى وتحرص يكون متناسق مع صوت وهوية كل عميل.

وش نحتاج منك؟

• خبرة من 2 - 4 سنوات في كتابة المحتوى التسويقي او الاعلاني (ويفضّل تكون من بيئة وكالات تسويق).
• اسلوب كتابة ذكي، بسيط، ويتناسب مع المجتمع السعودي.
• حس تسويقي وقدرة على فهم اهداف العميل وتحويلها لنصوص مؤثرة.
• قدرة على التكيّف والكتابة لانواع مختلفة من العملاء والقطاعات.
• والاهم: تحب الكلمات، وتحب الابداع، وتحب تبتكر شيء له أثر

ليش تنضم معنا؟

لاننا نشتغل بشغف، ونحب ننجز، وندعم بعض، ونسعى نكبر سوا.

ارسل لنا سيرتك الذاتية ونماذج من كتاباتك على [email protected]

وخلنا نسمع منك ونشوف اذا نقدر نكتب قصص مميزة مع بعض ..